ASTANA. 19 aqpan. Endi elimizde «halal» ataýy «adal» bolyp ózgermekshi. Halyqaralyq halal standartynyń qazaqstandyq balamasyn engizýdi musylmandar dinı basqarmasynyń ókilderi usyndy. Bul týraly bnews.kz habarlady.
Islam dininde «ruqsat etilgen» degen maǵynany bildiretin «halal» sózin «adal» dep ózgertýdi Qazaqstan musylmandary dinı basqarmasy osydan birneshe aı buryn oılastyrǵan. Áli zańdastyrylmaǵan bastamaǵa saı, sertıfıkatqa qol jetkizý úshin zaýyttarda beınebaqylaý kameralary ornatylýy tıis. «Osynyń arqasynda satyp alýshylar taýarlardyń qalaı óndiriletinin onlaın-rejıminde baqylaı alady», dep jazady portal.
Jańa talaptardyń qyr-syrymen Qaraǵandynyń kásipkerleri de tanys. Halyqaralyq halal standartynyń qazaqstandyq balamasynyń engizilýin alǵashqy bop estigen et kombınatynyń basshylyǵy ásirese bıznesteri úshin alańdaıdy. О́ıtkeni, musylmandar dinı basqarmasy ataýyn ózgertkenimen, qarajat jaǵyn qarastyrmaıdy eken. Sondyqtan jańa ereje boıynsha satyp alynǵan quraldardyń shyǵynyn ár kompanııa ózi kóterýi tıis.
«Eger jańa bastama zańdastyrylsa, jańa ózgerister paıda bolady. Iаǵnı biz shyǵyndalamyz degen sóz. Bizdiń kásiporynnyń ónimderi halal standartyna saı keledi. Shujyq jasaıtyn qurylǵylarymyz ben sehymyz bar. Mamandar halal ónimderdiń shyǵarylýyn tańerteńnen keshke deıin qadaǵalaıdy», - deıdi Nurlan Dúısenbaev.
Al kúndelikti halal ónimimen tutynatyn qarapaıym halyq ónimniń ataýy emes, sapasy ózgermese eken, der tileıdi.
Qalaı bolǵanda da, bıylǵy jylǵy halal sertıfıkattardyń merzimi aıaqtalypty. Qazaqstan musylmandary dinı bas basqarmasynyń ókilderi ónimderdegi halal sózin adal dep ózgertýge bel býyp otyr. Tipti, ol úshin jańa talaptarmen shyǵarylǵan ónimderdi rastaýǵa arnaıy zerthana qurylyp, 250 ımam tájirıbeden ótip kelgen.
Murat Aıtqoja.