Elde biryńǵaı memlekettik medısınalyq aqparattyq júıe qalyptastyrý jumystary jalǵasyp jatyr, dep habarlaıdy Egemen.kz.
Qazirgi tańda barlyq medısınalyq uıymdarda emdelýshilerdi sıfrlyq sáıkestendirý júıeleri iske qosylǵan «Sıfrlyq qujat» pen Face ID jobalary arqyly azamattar óz málimetterin jeńil ári qaýipsiz paıdalana alady.
«Esepteý men tólemniń ashyq ári ádil júıesin jasaý maqsatynda barlyq óńirde «Medısınalyq kómekke aqy tóleýdiń biryńǵaı júıesi» jobasy engizildi. Medısınalyq anyqtamalardy elektrondy formatqa kóshirý boıynsha jumystar júrgizilip jatyr. Memlekettik qyzmetterdi avtomattandyrý deńgeıi – 87,3%-dy qurap otyr», dep habarlady Úkimettiń baspasóz qyzmeti.
Medısınalyq qyzmetkerlerdiń qaýipsizdigi de nazardan tys qalǵan joq. Astana men Almaty qalalarynda jedel járdem qyzmetkerlerine arnalǵan vıdeo-jetondardy qoldaný boıynsha pılottyq joba iske qosylǵan.
Sonymen qatar barlyq medısınalyq derekterdi biryńǵaı bazaǵa biriktirý jumystary jalǵasyp, zamanaýı, ınnovasııaǵa jáne sapaǵa negizdelgen turaqty medısınalyq júıe qalyptasyp keledi.