Atyraýda sońǵy 3-4 kúnnen beri aptap ystyqtyń beti qaıtar emes. Sınoptıkter aldyńǵy kúni aptap ystyqtyń +43 gradýsqa kóterilgenin rastady. «Qazgıdromet» RMK Atyraý fılıalynyń meteoboljam bóliminiń basshysy Gúlaına Myrzashevanyń jergilikti basylymdarǵa habarlaǵanyndaı, keshe Mahambet aýdanynda aýanyń temperatýrasy +43 gradýsty kórsetipti. Onyń aıtýynsha, Atyraýda aldaǵy kúnderi aptap ystyq +40-41 gradýs bolatyndyǵy kútilýde.
Mundaı aptap ystyq áli de bir aptadaı saqtalmaq eken. Sınoptıkter aıdyń sońǵy kúnderi, ıaǵnı 29-30 maýsymda temperatýra +42 gradýstan da joǵarylaıtyndyǵyna nazar aýdaryp otyr.
Joldasbek ShО́PEǴUL,
«Egemen Qazaqstan».
ATYRAÝ.