Qurlyq pen sýdaǵy eń úzdik fotosýretterdi anyqtaıtyn «Jyldyń úzdik tumsa tabıǵat fotosýretshisi» baıqaýynyń bıylǵy jeńimpazdary belgili boldy.
Sútqorektilerdiń minez-qulqyn beıneleý sanatynda amerıkalyq fotograf Dennıs Stogsdıll top jardy. Ol Tanzanııadaǵy Serengetı ulttyq parkinde jabaıy mysyq tuqymdasyna jatatyn qaraqaldyń kishkentaı qoqıqazdy ustaǵan sátin taspalap úlgergen. Jalpy, qaraqaldar – jándikterden bastap bókenderge deıingi ártúrli janýardy aýlaıtyn epti jyrtqysh. Biraq olardyń qoqıqazdy aýlaýy óte sırek kezdesedi, sondyqtan bul kadr qazylar alqasynyń joǵary baǵasyna ıe boldy.