Jarys kúndeligi

Parapaýerlıftıngten Mysyr astanasy Kaırde ótip jatqan álem chempıonatynda Davıd Degtıarev top jardy. 54 kg salmaqta synǵa túsken otandasymyz 567 kg kórsetkishke qol jetkizdi. Bul – Azııanyń jańa rekordy. Davıd atalǵan jarysta úshinshi márte jeńimpaz atanyp otyr. Sondaı-aq Tokıo men Parıjde ótken Olımpııa oıyndarynda bas júldeni oljalady. Chernogorııanyń Podgorısa qalasynda ótken G-1 sanatyndaǵy týrnırde elimizdiń taekvondoshylary qos júldege qol jetkizdi. 74 kg salmaqta kúsh synasqan Maqsat Oryn­basar altyn tuǵyrǵa kóterilse, 58 kg salmaqtaǵy Áziret Dúısenbek qola medaldy qorjynǵa saldy. Qurlyqtyq hokkeı lıgasynda kúsh synasyp júrgen «Barys» kezekti týrda Novosıbırskiniń «Sıbırin» qabyldady. Alǵashqy taımda aıdyn ıeleri eki shaıba soǵyp alǵa shyqsa, úzilisten keıin qonaqtar úsh golmen jaýap qaıyrdy. Sońǵy 20 mınýtta astanalyqtar tarazy basyn teńestirdi. Overtaımda jeńimpaz anyqtalmady. Býllıt soǵý barysynda «Sıbırdiń» joly boldy. Esep – 3:4. Aldaǵy aılarda konkıden álem kýboginiń irikteý saıystary ótedi. Alǵashqy synaq 14-16 qarasha aralyǵynda AQSh-tyń Solt-Leık-Sıtı qalasynda uıymdastyrylady. Ekinshisin 21-23 qarashada Kanadanyń Kalgarıi qabyldaıdy. Úshinshisi 5-7 jeltoqsanda Nıderlandtyń Herenvendinde, tórtinshisi 12-14 jeltoqsanda Norvegııanyń Hamarynda ótedi. Sol jarystardyń qorytyndysy boıyn­sha Olımpııa oıyndaryna qatysatyn konkıshi­ler anyqta­lady. Irikteý synaqtaryna kimderdiń qatysatyny qazirgi kezde Asta­nada shymyldyǵy túrilgen Qazaqstan kýbogi barysynda anyqtalady. Qazaqtyń tanymal aralas jekpe-jek sheberi, Oktagon lıgasynyń chempıony Jalǵas Jumaǵulov (18-9) kelesi kezdesýin 29 jeltoqsanda Pragada ótkizedi. Ol óziniń chempıondyq ataǵyn qorǵap qalý úshin chehııalyq Davıd Dvorjakpen (22-6) aıqasady.