Shet memleketterden alǵashqy 13 baıqaýshyny akkredıttedi

2015 jylǵy 20 naýryzda Ortalyq saılaý komıssııasy «2015 jylǵy 26 sáýirge taǵaıyndalǵan Qazaqstan Respýblıkasy Prezıdentiniń kezekten tys saılaýyna shet memleketterdiń baıqaýshylaryn akkredıtteý týraly» qaýly qabyldady. Osy qaýlyǵa saı Ortsaılaýkom Qazaqstan Respýblıkasy Syrtqy ister mınıstrliginiń usynýy boıynsha alty shet memleketten 13 baıqaýshyny akkredıttedi. Olardyń ishinde eki-ekiden – Germanııa Federatıvtik Respýb­lıka­synan, Grýzııa men Izraıl memle­ketinen, úsh-úshten – Nıder­land Koroldigi men Horvatııa Respýblıkasynan, bireýi – Estonııa Respýblıkasynan. Shet memleketter men halyq­aralyq uıymdardyń baıqaý­shy­laryn akkredıtteýdi Ortsaılaýkom 2015 jylǵy 20 sáýirge deıin jú­zege asyratyn bolady. Otyrystyń sheńberinde Ortsaılaýkom múshesi T. Ohlopkova Ortalyq saılaý komıssııasy saılaý prosesiniń jarııalylyǵy men ashyqtyǵyn qamtamasyz etý boıynsha belsendi jumys júrgizip otyrǵanyn atap kórsetti. Sondaı-aq, ol «Bul tek basy ǵana. Qazaqstan Respýblıkasy Pre­zıdentiniń kezekten tys saılaýy­nyń barysyn baıqaýǵa qatysatyn halyqaralyq baıqaýshylardyń sany budan ári arta bermek, óıtkeni saılaý naýqanyna qyzyǵýshylyq joǵary», dep atap ótti. «Egemen-aqparat».