Germanııa bıligi Gannover ákimshiliginiń Gaza sektory men Izraılden 20-ǵa deıin naýqas jáne jaraqat alǵan balany emdeýge qabyldaý týraly usynysyn qabyldamady, dep habarlaıdy Egemen.kz TACC agenttigine silteme jasap.
Eldiń Ishki ister mınıstrligi joldaǵan hatta, qaqtyǵysty toqtatý baǵytyndaǵy belgili bir ilgerileýge qaramastan, Gaza sektoryndaǵy jaǵdaıdyń áli de «asa kúrdeli jáne boljap bilý múmkin emes» ekeni aıtylǵan. Vedomstvo balalardy shetelge shyǵarý prosesi kóptegen qıyn rásimderdi qamtıtynyn, olardyń jeke basyn anyqtaý, otbasylyq erip júrýshilerdiń qaýipsizdigin qamtamasyz etý, shyǵyn kólemin esepteý jáne emdelýden keıin elge qaıtarý múmkindigin baǵalaý qajet ekenin atap ótti.
Gannover meri Belıt Onaı federaldyq úkimettiń sheshimine ókinish bildirip, bul sheshimdi «joǵary dárejede kóńil qaldyratyn ári túsiniksiz» dep atady. Onyń aıtýynsha, qala bıligi erekshe qorǵanyshqa muqtaj balalardy qabyldaýǵa tolyq daıyn bolǵan. Bastamany Bremen, Dıýsseldorf, Leıpsıg, Bonn, Frankfýrt, Kıl qalalarynyń ákimshilikteri men Tómengi Saksonııadaǵy protestanttyq shirkeýler de qoldaǵan edi.
Al federaldyq úkimet óz ustanymynda qalǵan. Basymdyq zardap shekkenderge medısınalyq kómekti tikeleı oqıǵa ornynda kórsetýge beriledi, ıaǵnı naýqastardy shetelge áketpeı, kómek sol jerde uıymdastyrylmaq.
Aıta ketsek, buǵan deıin HAMAS Izraılge qaza tapqan eki tutqynnyń denesin qaıtarýǵa ýáde bergen bolatyn.