Astanada aýqymdy fleshmob ótti. Respýblıka kúnine oraı Memlekettik rámizder alańynda 1500-den astam oqýshy «Atameken» ánin shyrqady, dep jazady Egemen.kz.
Fleshmob óskeleń urpaqtyń boıynda azamattyq biregeılikti, táýelsiz Qazaqstannyń Memlekettik rámizderi men dástúrlerin qurmetteýdi qalyptastyrýdy kózdeıdi. Oryndaý barysynda qatysýshylar Qazaqstannyń jas býynynyń birligi, dostyǵy men ashyqtyǵynyń sımvoly - ashyq alaqan beınesin jasap, bes qatarǵa turdy.
Aıta keteıik, 25 qazanda Qazaqstanda Ulttyq mereke Respýblıka kúni atap ótiledi. Aıtýly merekege oraı, Astanada 150-ge jýyq mádenı-buqaralyq, bilim berý, sporttyq jáne áleýmettik is-sharalar josparlanǵan.