Memleket basshysynyń tehnıkalyq jáne kásiptik bilim sapasyn arttyrý jáne jańa formattaǵy zamanaýı kadrlardy daıarlaý jónindegi tapsyrmalaryn júzege asyrý maqsatynda Almaty kópsalaly kolledjiniń bazasynda «Ushqyshsyz ushý apparattary» quzyrettilik ortalyǵy óz jumysyn bastady, bul mańyzdy qadam bolyp tabylady, dep habarlaıdy Egemen.kz.
Aldaǵy ýaqytta ortalyqta jańa oqý baǵdarlamasy engizilip, stýdentterge drondardy jobalaý, qurastyrý, basqarý jáne tehnıkalyq qyzmet kórsetý salasynda kásibı quzyrettilikterdi meńgerýge múmkindik beredi.
Kolledjdiń áleýmettik seriktesteri retinde Halyqaralyq bilim berý jáne ınnovasııalar ortalyǵy men Qytaıdyń Zhongke Borui Education Technology Research Institute uıymdary qoldaý kórsetip otyr.
Oqý-aǵartý mınıstrliginiń málimetinshe «Quzyrettilik ortalyǵy» ınnovasııalyq bilim berý tehnologııalaryn engizý, stýdentterdiń robototehnıka, aerotúsirilim, 3D-kartografııa jáne ınfraqurylymdy monıtorıng salasyndaǵy praktıkalyq daǵdylaryn damytý, sondaı-aq pedagogterdi drondardy oqytý prosesinde tıimdi qoldanýǵa daıarlaý baǵyttary boıynsha jumys júrgizedi. Sonymen qatar munda halyqaralyq trenıngter, sheberlik sabaqtary men ushqyshsyz ushý apparattary boıynsha jarystar uıymdastyrylyp, sheteldik bilim berý jáne tehnologııalyq uıymdarmen seriktestik baılanystar keńeıtiledi.