Qytaı álemde tuńǵysh tórt arnaly kvanttyq birfotondy detektor jasap shyǵardy. Anhoı provınsııasyndaǵy Kvanttyq aqparattyq ınjenerııa zertteý ortalyǵynda qurylǵyǵa «Foton ustaýshy» degen ataý berildi.
Detektordyń ereksheligi – ol jaryqtyń eń usaq bólshekteri jeke fotondardy da dál anyqtaı alady. Mundaı detektorlar kvanttyq kommýnıkasııa júıelerinde qoldanylady. Olar aqparatty jeke fotondar deńgeıinde ıaǵnı fızıkalyq turǵyda buzýǵa bolmaıtyn shıfrlaý kiltteri túrinde jetkizýge múmkindik beredi. Bul ádis derekterdiń qaýipsizdigin tolyq qamtamasyz etedi.