Sınoptıkter 23 qazan kúni Qazaqstannyń 12 qalasynda qolaısyz meteorologııalyq jaǵdaıdyń ornaýy múmkin ekenin eskertti, dep habarlaıdy Egemen.kz.
«Qazgıdromet» málimetinshe, 23 qazan kúni Petropavl, Kókshetaý, Qaraǵandy, Temirtaý, О́skemen, Semeı, Rıdder, Aqtóbe, Shymkent jáne Almaty qalalarynda, al túnde Atyraý men Astana qalalarynda qolaısyz meteorologııalyq jaǵdaılar kútiledi.
Qolaısyz meteorologııalyq jaǵdaılar (QMJ) – qysqa merzimdi meteorologııalyq faktorlardyń birigýinen týyndaıtyn qubylys. Bul faktorlar atmosferanyń tómengi qabatynda zııandy (lastaýshy) zattardyń jınalýyna yqpal etedi.
Sınoptıkterdiń eskertýinshe, QMJ kezinde aýa sapasynyń nasharlaýy múmkin, bul óz kezeginde adamdardyń densaýlyǵyna áser etýi yqtımal. Turǵyndarǵa abaı bolýǵa, ásirese tynys alý joldaryna sezimtal adamdarǵa saqtyq sharalaryn saqtaýǵa keńes beriledi.