Astanadaǵy Ál-Farabı atyndaǵy Oqýshylar saraıynda Respýblıka kúni qarsańynda ózge etnos ókilderi arasynda memlekettik tildi nasıhattaýǵa baǵyttalǵan «Elim degender» respýblıkalyq shyǵarmashylyq baıqaýynyń fınaldyq kezeńi ótti, dep jazady Egemen.kz.
Baıqaýdyń basty maqsaty – memlekettik tildiń etnosaralyq qatynas tili retindegi rólin kúsheıtý, jastar arasynda dostyq pen tatýlyqty dáripteý jáne qazaq tiline degen qyzyǵýshylyqty arttyrý.
Elimizdiń túkpir-túkpirinen kelgen 14-35 jas aralyǵyndaǵy talantty jastar úsh nomınasııa – halyq ánderin oryndaý, kórkemsóz oqý jáne esse jazý boıynsha baq synasty.
Nátıjesinde bas báıge ıegerleri anyqtaldy. «Halyq ánderin oryndaý» nomınasııasy boıynsha Shymkent qalasynan kelgen Akram Irısmetov úzdik atandy. «Kórkemsóz oqý» baǵytynda Jarkent qalasynyń namysyn qorǵaǵan Marhaba Asanova jeńimpaz boldy. Al «Esse jazý» nomınasııasynda Pavlodar qalasynan kelgen Alsý Rahmatýllına ozyq shyqty.
Jeńimpazdar dıplomdarmen jáne aqshalaı syılyqtarmen marapattaldy. Jalpy júlde qory – 3 mıllıon teńge.
Baıqaý barysynda ózge etnos jastarynyń memlekettik tilde erkin sóıleýi men óner kórsetýi qazaq tiliniń birlik pen ózara túsinistik quraly retindegi mańyzyn aıqyn kórsetti.
Aıta keteıik, bul joba jobasy Qazaqstan Respýblıkasy Mádenıet jáne aqparat mınıstrliginiń qoldaýymen júzege asyrylyp keledi.