Elimizdiń birinshi raketkasy, álemdik reıtıngtiń jetinshi nómiri Elena Rybakına Tokıo qalasynda ótip jatqan WTA 500 jarysynda shırek fınalǵa joldama aldy, dep habarlaıdy Egemen.kz.
Týrnırdiń ekinshi raketkasy sanalatyn Elena Rybakına ekinshi aınalymda kanadalyq Leıla Fernandespen kezdesti. Álemdik reıtıngte 22-orynda turǵan, 2021 jylǵy AQSh chempıonatynyń fınalısi sanalatyn qarsylasyn qazaqstandyq tennısshi 6:4, 6:3 esebimen jeńip, shırek fınalǵa joldama aldy.
Oıyn bir saǵat 28 mınýtqa sozylǵan. Rybakına bul matchta 6 eıs oryndap, 4 breık-poınttyń úsheýin tıimdi paıdalandy. Al Fernandes 1 eıs jáne 1 breıkpen shektelgen.
Endi Elena jartylaı fınal joldamasyn álemniń 23-raketkasy, kanadalyq Vıktorııa Mbokomen sarapqa salady.
Bul jeńis Rybakına úshin qatarynan besinshi boldy. Ol ótken aptada Qytaıdyń Nınbo qalasynda ótken WTA 500 týrnırinde chempıon atanǵan edi.
Qazir qazaqstandyq sportshy qarasha aıynda Er-Rııadta ótetin maýsymnyń qorytyndy týrnırine qatysý múmkindigine bir jeńis qana jetpeı tur.