Atalǵan oblys aýmaǵyndaǵy «Taldyqorǵan-Úsharal» jańa magıstraldyq gaz qubyrynyń qurylysy aıaqtaldy. Joba Memleket basshysynyń tapsyrmasy boıynsha eldiń gaz ınfraqurylymyn damytý aıasynda «QazaqGaz» ulttyq kompanııasymen júzege asty, dep habarlaıdy Egemen.kz.
Búginde «Qapal», «Jansúgirov», «Sarqan», «Qoılyq», «Qabanbaı», «Úsharal» eldi mekenderinde 6 avtomattandyrylǵan gaz taratý stansııasynyń qurylysy tolyq aıaqtaldy. Bul gaz qubyry 134 myńnan astam turǵyny bar 84 eldi mekenin gazdandyrýdyń negizi bolady. Taratý jelileriniń qurylysyn salýǵa arnalǵan jobalyq-smetalyq qujattama boıynsha memlekettik saraptamanyń oń qorytyndysyn alý kútilip otyr. Jelilerdi tartý jumysyn Jetisý oblysy ákimdigi atqarady.
Sondaı-aq, katarlyq seriktestermen birlesip strategııalyq mańyzy bar «Beıneý-Bozoı-Shymkent» gaz qubyrynyń ekinshi jelisiniń qurylysy jalǵasyp jatyr.
Energetıka mınıstrliginiń málimetinshe bıyl respýblıka boıynsha 81 jobany iske asyrý josparlanyp otyr. Nátıjesinde 94 eldi mekenniń shamamen 300 myń turǵyny tabıǵı gazǵa qol jetkizedi. Osylaısha, jyl qorytyndysy boıynsha Qazaqstannyń gazdandyrý deńgeıi 63,8 paıyzǵa jetedi.