Baızaq aýdanynyń prokýrorlary «Baızaq sý» mekemesindegi eńbek zańnamasynyń saqtalýyna taldaý júrgizip, nátıjesinde jumysshylardyń múddesin qorǵady, dep habarlaıdy Egemen.kz Jambyl oblystyq prokýratýrasynyń baspasóz qyzmetine silteme jasap.
Resmı derekke júginsek, «Baızaq sý» ShJQ MKK tarapynan qarjylyq shyǵyndardy negizsiz josparlaý nátıjesinde osy jyldyń maýsym aıynda 18,2 mln teńgege 146 jumysshynyń aldynda bereshek paıda bolǵany anyqtaldy.
«Prokýratýranyń qadaǵalaý aktisi negizinde jalaqy boıynsha bereshek tolyǵymen óteldi, al kináli tulǵalar tártiptik jaýaptylyqqa tartyldy. Osy jyly Jambyl oblysynyń prokýratýrasy ýákiletti memlekettik organdarmen birlesip qabyldaǵan sharalardyń nátıjesinde 1213 jumysshy aldynda jalaqy boıynsha 241 mln teńge bereshekti óteý qamtamasyz etildi», delingen prokýratýranyń baspasóz qyzmeti taratqan resmı habarlamada.