Memleket basshysynyń aýylda medısınalyq qyzmetterdiń qoljetimdiligin arttyrý jáne áleýmettik mańyzy bar ınfraqurylymdy damytý jónindegi tapsyrmasyna sáıkes, Jetisý oblysynda alǵashqy medısınalyq-sanıtarııalyq kómek kórsetetin FAP, medısınalyq pýnktter jáne dárigerlik ambýlatorııa el ıgiligine tapsyryldy, dep jazady Egemen.kz.
Medısınalyq nysannyń barlyǵy elge qaıtarylǵan aktıvter qarajaty esebinen salynǵan.
Úkimet osy maqsatqa Arnaýly memlekettik qordan 1,7 mlrd teńge bólgen.
Jańa densaýlyq saqtaý nysandary aımaqtaǵy Jalǵyzaǵash jáne Qaınarly (Eskeldi aýdany) - Sarytóbe (Panfılov aýdany) - Jańalyq (Aqsý aýdany) - Qaratal (Kóksý aýdany) - Oıan (Qaratal aýdany) aýyldarynda iske qosylyp otyr.
Sonymen qatar Alakól aýdany Jaıpaq aýylynda dárigerlik ambýlatorııa men Qaınar aýylynda feldsherlik-akýsherlik pýnkt paıdalanýǵa berilgen.
Nysandardyń barlyǵy ınjenerlik ınfraqurylymmen, zamanaýı medısınalyq tehnıkamen jabdyqtalǵan jáne alǵashqy medısınalyq-sanıtarııalyq kómek kórsetý standarttaryna sáıkes keledi. Bul jobalardy júzege asyrý shalǵaıdaǵy eldi mekenderdiń 4 myńnan astam turǵynyn medısınalyq kómekke qoljetimdilikpen qamtamasyz etýge, sondaı-aq jańa jumys oryndaryn ashýǵa jáne óńirdiń densaýlyq saqtaý júıesiniń materıaldyq-tehnıkalyq bazasyn nyǵaıtýǵa múmkindik beredi.