Jezqazǵan qalasynda oblystyq mýzeıde jáne qolóner sheberleriniń jeke qorynda saqtalǵan kóne kımeshekter kópshilik nazaryna usynyldy. «Kıeli kımeshek» kórmesi Respýblıka kúnine oraı uıymdastyryldy, dep jazady Egemen.kz.
Kórmege 20 kımeshek qoıyldy. Jádigerler qatarynda jıyrmasynshy ǵasyrdyń basynda kúmispen órnektelip tigilgen bas kıim bar. Qazaqtyń ulttyq bas kıimi kımeshekti kııý men syrtynan shylaýysh tartý ár óńirde ártúrli bolǵan.
«Kórmeni uıymdastyrýdaǵy maqsat – kımeshektiń qazaq turmysyndaǵy ornyn uǵyndyrý», deıdi qolóner sheberleri. Sebebi, keıingi býyn ony mereke kúnderi ǵana izdeıtin bolǵan.
«Bul kórmeni uıymdastyrýdaǵy maqsatymyz birinshi kezekte qazaqqa óziniń ulttyq kıimin tanytý. Mine bul seniń ózińniń kıimiń, mynany ájeleriń kıgen, ata-babalaryń kıgen kıim osy, qazaqtyń kıiminiń ulttyq órnegi osyndaı bolǵan. Sondyqtan osy «Kıeli kımeshek» arqyly barlyq qazaqtyń ulttyq kıimin, dástúrin kórsetý, qazaqqa ózin-ózi tanytý degen maqsatta jasalǵan joba», deıdi kórmeni uıymdastyrýshy Turar Sháken.
Kórmege Jezqazǵan mýzeıinde jáne qolóner sheberleriniń jeke qorynda saqtalǵan kımeshekter qoıylǵan. Máselen, belgili etnodızaıner Tilek Sultan Qazaqstannyń ár óńirine tán 19 kımeshektiń úlgisin usyndy. Onyń basym bóligi túpnusqa. Eń kónesi jıyrmasynshy ǵasyr basynda tigilgen.
Eń kóneleri 100 jyldan asyp ketken kımeshekter. Iаǵnı 20-30 jyldarǵa deıin tigilgen. Kórmege kelgen jurt kımeshektiń túrlerimen tanysyp qana qoımaı, oǵan qatysty salt-dástúrge de qanyǵady. О́zge de qazaqtyń dástúrli kıimderiniń sán kórsetilimin tamashalaıdy. Ulttyq kıimge qyzyǵýshylyǵy bar jastarǵa arnalǵan sheberlik sabaqtary ótedi. Onda kımeshekke kúndik oraý jáne shylaýysh tartý ádisteri úıretiledi.