Oral qalasynda qazaq kúresinen «Qazaqstan Barysy» respýblıkalyq týrnırine baratyn batysqazaqstandyq palýandardy irikteý kezeńi ótti, dep jazady Egemen.kz.
Boz kilemde Batys Qazaqstan oblysynyń 11 aýdany men Oral qalasynan 25 balýan qatysyp aıqasqa tústi. Respýblıkalyq dodaǵa joldama alý úshin beldesken atan jilik jigitter ózara myqtyny anyqtady.
Sonymen, Qaztalov aýdanynyń atynan qatysqan Bekaıdar Meńdeshev qarsylastaryn túgel jeńip, birinshi orynǵa ıe boldy. Tasqalalyq Elnar Janbolatuly – ekinshi, Shyńǵyrlaý aýdanynyń palýany Qusaıyn Erbolatov – úshinshi orynǵa turaqtady.
Endi respýblıkalyq «Qazaqstan barysy» saıysynda BQO-nyń namysyn Bekaıdar Meńdeshev qorǵaıtyn bolady.
Batys Qazaqstan oblysy