Arys qalasynda tórt jasar Álırahman Seıithan aýrýhana qabyrǵasynda kóz jumdy, dep habarlaıdy Egemen.kz.
Ata-anasy balanyń ólimine dárigerlerdi kinálap otyr. Olardyń aıtýynsha, tún ortasynda aýrýhanaǵa túsken balany dáriger alty saǵat boıy qaramaǵan, óıtkeni ol óz kezekshiliginde uıyqtap jatqan.
«Balamdy túngi úsh jarymda alyp bardyq. Tańǵy toǵyzǵa deıin eshkim qaramady. Sol aralyqta balam sóılep, sý surady, dáretke bardy. О́zim de tynyshtalyp, daý shyǵarmadym. Biraq tań ata esinen aıyryldy. Dáriger tek sol kezde keldi», — deıdi balanyń anasy Uljan Júzeı.
Anasynyń sózinshe, aýrýhanada MRT men KT apparaty bolmaǵan, sondyqtan naqty dıagnoz qoıý múmkin bolmaǵan.
Balanyń jaǵdaıyn baǵalaýǵa kelgen astanalyq maman jergilikti dárigerlerdiń qoıǵan dıagnozyn ózgertip, jańa em josparyn qaldyrǵan. Biraq bala oǵan deıin-aq jan tásilim etken.
«Olar tek boljammen “vırýsnyı ensefalıt” dedi. Taldaý taza shyqty. Astanadan kelgen maman basqa dıagnoz qoıyp, dáriler jazyp ketti. Biraq balam jumaǵa jetpedi», — deıdi anasy kóz jasyn tyıa almaı.
10 qazanda aýrýhanaǵa túsken Álırahman 23 qazanda kóz jumǵan. Tergeýshiler kelgende túngi kezekshi meıirbıke dárigerdi úsh ret oıata almaǵanyn aıtqan.
«Bir balanyń ómiri qyl ústinde turǵanda dáriger uıyqtap jata ma? Keıin ol dáriger bizge adam jiberip, aryzdy qaıtaryp alyńdar depti. Estýimshe, bas dáriger qazir depýtat bolýǵa daıyndalyp júr. Biraq biz kináliler jazasyn alsyn deımiz», — deıdi Uljan Júzeı.
Qaıǵydan qan jutqan otbasy jalǵyz ulyn jer qoınyna tapsyrdy. Al Arys qalalyq aýrýhanasy bala ólimine deıin qyzmettik tekseris bastalǵanyn aıtqanymen, ázirge naqty nátıjesin jarııalamaǵan.
Quqyq qorǵaý organdary da bul iske qatysty resmı aqparat bermeı otyr.