Qazaqstan ulttyq quramasynyń burynǵy qaqpashysy Andreı Morev 52 jasynda qaıtys boldy. Qaraly habardy Qazaqstan fýtbol federasııasynyń baspasóz qyzmeti jetkizdi, dep jazady Egemen.kz.
Andreı Morev «Jeńis», «Oqjetpes», «Tobyl» jáne «Aqtóbe» syndy komandalar sapynda óner kórsetken. «Aqtóbede» eki márte Qazaqstan chempıony atanyp, el Kýbogynyń ıegeri boldy. 2005 jyly elimizdegi eń úzdik qaqpashy atandy.
Andreı Morev Qazaqstan ulttyq quramasynyń qatarynda eki match ótkizdi. Debıýttik oıynynda qarsylas bolǵan Túrkııa quramasynyń penaltıin sátti qaıtaryp, jankúıerlerdiń qoshemetine bólengen edi.