Elimizde otyn-energetıka kesheninde JI tehnologııalaryn qoldaný máselesi pysyqtalyp jatyr. Bul týraly Úkimet otyrysynda energetıka mınıstri Erlan Aqkenjenov habarlady, dep jazady Egemen.kz.
Osy maqsatta TEK salasyna JI engizý jónindegi akselerasııalyq top qurylyp, onyń quramyna salanyń jetekshi kompanııalarynyń ókilderi kirdi.
«Toptyń negizgi mindeti – salalyq qajettilikterdi aıqyndaý jáne JI tehnologııalaryn engizý boıynsha pılottyq jobalardy júzege asyrý baǵytynda kúsh-jigerdi biriktirý», dep atap ótti Erlan Aqkenjenov.Sonymen birge bıyl JI sheshimderi bar ǵalamdyq vendorlar men IT-kompanııalardan turatyn AI-alıans qurylǵan. Otandyq IT ázirleýshilerdi qoldaý maqsatynda mınıstrlik pen Astana Hub rezıdentteri arasynda salaǵa JI sheshimderin engizý jáne sol baǵytta birlesip synaqtar ótkizý jóninde memorandýmdarǵa qol qoıyldy.