Qazaqstandyq tennısshi Aleksandr Býblık 2025 jylǵy maýsymda óziniń kásibı mansabyndaǵy eń joǵary nátıjege qol jetkizdi. Álemniń 16-raketkasy Parıjde ótip jatqan «Masters» serııasyndaǵy alǵashqy aınalymda aýstralııalyq Alekseı Popyrındi 6:4, 6:3 esebimen utyp, ATP týrnırlerindegi bıylǵy maýsymdaǵy 34-shi jeńisine qol jetkizdi, dep habarlaıdy Egemen.kz.
Bul kórsetkish Býblıktiń jeke rekordyn jańartty. Buǵan deıin ol 2021 jyly bir maýsymda 33 jeńiske jetip, eń úzdik nátıjesin tirkegen bolatyn.
Kelesi kezeńde qazaqstandyq sportshy ekinshi aınalymda fransııalyq Korentın Mýte men amerıkalyq Raıllı Opelka arasyndaǵy kezdesýdiń jeńimpazymen kortqa shyǵady.
Aıta ketsek, Parıjdegi bedeldi «Masters» týrnıriniń qazirgi jeńimpazy — germanııalyq Aleksandr Zverev. О́tken jyly ol fınalda fransııalyq Ýgo Ýmberdi tize búktirgen edi.