ATYRAÝ. 19 aqpan. Atyraýda jyljymaly jedel basqarý ortalyǵynyń ınspektoryna para bermek bolǵan kólik júrgizýshisi ustady. Bul týraly egemen.kz tilshisi habarlady.
«Joldyń qarama-qarsy baǵytyna shyǵyp, jol erejesin óreskel buzǵan «VAZ-21014» kóliginiń júrgizýshisi ákimshilik hattama toltyrtpaı, jaýapkershilikten qashý úshin ınspektorǵa eki myń teńge kóleminde para bermek bolǵan. Beınebaqylaý ınspektory sol boıda Atyraý oblystyq ishki ister departamentiniń ózindik qaýipsizdik basqarmasyna habarlaıdy. Atalǵan basqarmanyń qyzmetkerleri 1978 jyly týǵan júrgizýshini bultartpas aıǵaqpen ustady. Qazir para berýshini tıisti jaýapkershilikke tartý máselesi sheshilýde», dep habarlady departamenttiń baspasóz hatshysy Gúlnazıra Muhtarova.
Onyń málim etýinshe, jyl basynan beri ákimshilik polısııa basqarmasynyń jol-patrýldik qyzmetkerleri jolda júrý erejelerin buzýdyń 13 000 (on úsh) myńǵa jýyq faktisin anyqtady. Tirkelgen faktiniń 7 myńnan astamy jol erejesin óreskel buzǵandarǵa qatysty bolyp otyr.
Joldasbek Shópeǵul.
Derek: Atyraý oblystyq ishki ister departamenti.
Sýret: alashainasy.kz.