Túrkııanyń batys bóliginde tún ortasynda tirkelgen qýatty jer silkinisi Ystambul men Izmır turǵyndaryn dúr silkindirdi. Alǵashqy derekterge qaraǵanda, dúmpý Balykesır provınsııasynyń Syndyry aýdanynan bastaý alǵan, dep habarlaıdy Egemen.kz Anadolyǵa silteme jasap.
Saǵat 22:48-de Túrkııanyń Apattar jáne tótenshe jaǵdaılardy basqarý basqarmasy (AFAD) 6,1 magnıtýdaly jer silkinisin tirkedi. Jerasty qozǵalysynyń tereńdigi shamamen 6 shaqyrymǵa jýyq bolǵan. Dúmpýdiń kúshi ásirese Mármár men Egeı aımaqtaryndaǵy iri qalalar Ystambul men Izmırde aıqyn sezilgen.
Report agenttiginiń málimetinshe, Syndyry aýdanynda birneshe ǵımarat pen bir dúken qıraǵan. Alaıda Túrkııanyń ishki ister mınıstri Alı Erlıkaıanyń aıtýynsha, bul nysandar paıdalanýǵa berilmegen. Qazirgi ýaqytta zardap shekkender týraly aqparat túsken joq.