Astana ákimdiginiń habarlaýynsha, 28 qazannan bastap D.Qonaev kóshesimen kólik qozǵalysy qaıta ashyldy. Qozǵalys Turan dańǵyly men Qabanbaı batyr dańǵylynyń arasyndaǵy ýchaskede qalpyna keltirildi, dep habarlaıdy Egemen.kz.
Qala ákimdiginiń habarlaýynsha, joldyń jerústi bóligine júrgizilgen negizgi qurylys jumystary aıaqtalyp, jańa jol jamylǵysy tóseldi, jol tańbalary syzylyp jáne barlyq qajetti belgiler ornatyldy. Qazirgi tańda kópir ótkeliniń ústińgi bóligi men oǵan irgeles aýmaqta árleý jáne abattandyrý jumystary jalǵasyp jatyr.
«Osy ýchaskede qozǵalystyń qaıta ashylýy elordanyń ortalyq aýdandary arasyndaǵy kólik baılanysyn aıtarlyqtaı jaqsartyp, kórshiles magıstraldarǵa túsetin júktemeni azaıtýǵa jáne qala turǵyndary men qonaqtarynyń jolǵa ketetin ýaqytyn qysqartýǵa múmkindik beredi», delingen habarlamada.