Senat Tóraǵasy Máýlen Áshimbaev 24KZ telearnasyndaǵy «Betpe-bet» baǵdarlamasynda memlekettiń quqyqtyq damýynyń mańyzy týraly aıtty, dep habarlaıdy Egemen.kz.
Máýlen Áshimbaev Memleket basshysynyń «Zań jáne tártip» tujyrymdamasyn iske asyrýda elimizdiń órkendeýi jáne azamattardyń ál-aýqatynyń artýy basty nátıje bolýy tıis ekenin atap ótti.
«Quqyqtyq memleket – bul zań, zańnyń ústemdigi. Bul sonymen qatar barlyq is-áreket, barlyq qoǵamdyq qatynastar zań aıasynda júzege asýy tıis degendi bildiredi. Elimiz Prezıdentiniń «Zań jáne tártip» qaǵıdaty osydan kelip shyǵady. Barlyǵy zańǵa baǵynýy kerek. Zańnyń ústemdigi bolýy tıis. Sodan keıin tártip bolady, odan keıin memlekettiń damýy, eldiń órkendeýi bolady», dedi Máýlen Áshimbaev.