24KZ telearnasynyń «Betpe-bet» baǵdarlamasynda QR Parlamenti Senatynyń Tóraǵasy Máýlen Áshimbaev elimizde júzege asyp jatqan ekonomıkalyq reformalardyń maqsaty týraly aıtty, dep habarlaıdy Egemen.kz.
Palata Tóraǵasy Memleket basshysynyń tapsyrmasy boıynsha júrgizilip jatqan jumystyń basty maqsaty – azamattardyń ál-aýqatyn arttyrý ekenin erekshe atap ótti.
«Elimizdiń budan bylaıǵy ornyqty damýy jáne ekonomıkalyq ósýin qamtamasyz etý úshin naryqtyq reformalar júrgizý qajet. Osylaısha, halyqtyń ómir súrý deńgeıi artady. Jalaqynyń, halyqtyń tabysynyń ósýi qamtamasyz etiledi, jumys oryndary ashylady, ónerkásip kólemi ulǵaıady. Sondyqtan memlekettiń ekonomıkalyq reformalarynyń maqsaty – halyqtyń ómir súrý sapasyn arttyrý», dedi Máýlen Áshimbaev.