Jumyr jer betinde nebir qyzyq esimder kezdesedi. Kanadadaǵy Apple Store dúkeninde jumys istegen Sem Sýng esimdi azamattyń vızıtkasynda «Sam Sung – Apple» degen jazý turǵan. Bul sáıkestik jelide tez taralyp, jurt ony «Epldiń Samsýngi» dep atap ketken.
Alǵashynda Sem Sýng bul jaǵdaıdy óziniń ereksheligi dep qabyldaǵan. Tipti vızıtkasyn qaıyrymdylyq aýksıonyna qoıypty. Biraq ýaqyt óte kele onyń aty-jóni brendter arasyndaǵy básekeniń nyshanyna aınalyp, ózin jaısyz sezine bastaǵan. Arada 12 jyl ótken soń, ol jýrnalısterge bergen suhbatynda tegin resmı túrde ózgertkenin moıyndady. «Eger meni Apple kompanııasy jumystan shyǵarsa, bul daý tipti ýshyǵar edi» deıdi ol.