Mańǵystaýda Kaspıı teńiziniń jaǵalaýynda jańa «Aqqu Resort & Camp» demalys jáne qonaqúı kesheni ashyldy.
«Aqqu Resort & Camp» – Memleket basshysy Q.Toqaevtyń týrızm men óńirlik ınfraqurylymdy damytý jónindegi tapsyrmalaryn júzege asyrý aıasynda iske asyrylǵan jumystardyń biri, óńirdiń týrıstik ınfraqurylymyn damytýdaǵy mańyzdy bastama. Kópfýnksıonaldy formatta jumys isteıtin keshen jaz mezgilinde 300–350 balaǵa arnalǵan «Aqqu Camp» balalar lageri retinde, qalǵan ýaqytta kýrorttyq, korporatıvtik demalys ortalyǵy retinde qyzmet kórsetedi. Investordyń jeke qarajaty esebinen salynyp jatqan keshen aýmaǵynda zamanaýı turǵyn korpýstar, eresekter men balalarǵa arnalǵan eki ashyq basseın, 50 oryndyq kınozal, fýtbol alańy men sporttyq aımaqtar, medısınalyq pýnkt, meıramhana ornalasqan. Nysan 100-den astam adamdy jumyspen qamtıdy.
– Jańa demalys oryndarynyń ashylýy turǵyndardyń ómir sapasyn jaqsartýǵa, balalar men jastardyń bos ýaqytyn tıimdi uıymdastyrýǵa múmkindik beredi. «Aqqu Resort & Camp» zamanaýı, qaýipsiz ári shabyt syılaıtyn jańa demalys keńistigine aınalady dep senemin, – degen Mańǵystaý oblysynyń ákimi Nurdáýlet Qılybaı jańa keshenniń ashylýy óńirdiń áleýmettik-ekonomıkalyq damýyna, týrızm salasyna jańa serpin beretinin atap ótti.
Mańǵystaý óńirinde qolǵa alynǵan jaqsy joba, tyń bastamalar az emes. Teńiz jaǵalaýynan ashylǵan zamanaýı demalys orny ári balalar lageri – sonyń biri.
Mańǵystaý oblysy