Deutsche Welle agenttiginiń habarlaýynsha, AQSh-ta prezıdent Donald Tramptyń tanymaldyǵy kúrt tómendep, rekordtyq eń tómen deńgeıge jetti. Mundaı qorytyndyny Reuters jáne Ipsos zertteý kompanııalary júrgizgen jańa saýalnama kórsetti, dep habarlaıdy Egemen.kz.
Zertteý nátıjesine sáıkes, amerıkalyqtardyń nebári 40%-y Tramptyń qyzmetine oń baǵa berip otyr. Bul kórsetkish bir apta burynǵy deńgeıden 2 paıyzǵa tómen. Al prezıdenttiń jumysyn múlde quptamaıtyndardyń úlesi 57%-ǵa deıin ósken.
Saýalnamaǵa qatysýshylardyń basym bóligi Tramptyń eldegi turǵyndar shyǵyndarynyń ósýimen kúres júrgizýdegi álsiz áreketterine narazy. Respondentterdiń 63%-y kelispeıtinin aıtqan.
Reuters dereginshe, Tramp bılikke kelgennen beri ınflıasııa deńgeıi eńbek naryǵynyń baıaýlaýyna qaramastan ósip otyr. Bul jaǵdaı AQSh-tyń Ortalyq bankin paıyzdyq mólsherlemelerdi tómendetýge májbúr etti.
Salystyrmaly túrde alǵanda, Tramptyń aldyndaǵy prezıdent Djo Baıdenniń eń tómen tanymaldyq deńgeıi 36% bolǵan. Bul kórsetkish 2024 jyldyń mamyr aıynda tirkelgen edi.