Bahreınniń Manama qalasynda ótip jatqan jasóspirimder arasyndaǵy Azııa oıyndarynda bokstan jartylaı fınaldyq jekpe-jekteri aıaqtaldy, dep jazady Egemen.kz.
Tartysty básekelerde 8 qazaqstandyq boksshynyń mereıi ústem bolyp, fınalǵa joldama aldy.
Ulttyq olımpıadalyq komıtettiń málimetinshe, fınaldyq kezdesýler 30 qazan ótedi.
Jasóspirimder Azıadasynyń «altynyna» Aıaýlym Ospanova (66 kelige deıin), Kamıla Ospanova (75 kelige deıin), Elnýra Qońyrat (80 keliden joǵary), Arman Myrsábıt (46 kelige deıin), Jumaǵalı Nurmahan (50 kelige deıin), Dosjan Jumaqan (54 kelige deıin), Danııal Shalqarbaı (66 kelige deıin), Muhamedáli Rústembek (80 keliden joǵary) syndy otandastarymyz talasady.