Túrkııanyń Kodjaelı provınsııasyndaǵy Gebze qalasynda jeti qabatty turǵyn úı opyrylyp tústi. Ishki ister mınıstrliginiń málimetinshe, úıdiń astynda adamdar qalýy múmkin. Qazirgi ýaqytta izdestirý-qutqarý jumystary qarqyndy júrgizil3p jatyr, dep habarlaıdy Egemen.kz.
Ázirge qaza tapqandar men zardap shekkender týraly naqty aqparat joq.
Oqıǵa ornyna polısııa, órt sóndirý qyzmeti, tótenshe jaǵdaılar jónindegi basqarma (AFAD), medısınalyq qyzmetter men eriktiler shuǵyl túrde jetkizilgen.
Qutqarý jumystaryna eki kınologııalyq top, adamdardy anyqtaıtyn segiz qurylǵy, eki dron jáne 52 tehnıka jumyldyrylǵan. Barlyǵy 147 adam, onyń ishinde 80 AFAD mamany, jergilikti ákimdik pen úkimettik emes uıymdardyń ókilderi izdestirý-qutqarý jumystaryna qatysyp jatyr.
Túrkııanyń ishki ister mınıstri Alı Ierlıkaıanyń aıtýynsha, oqıǵa ornynda bes azamattyń úıindi astynda qalýy múmkin.
«Qutqarý jumystary jergilikti bıliktiń úılestirýimen qarqyndy júrip jatyr. Birqatar mınıstrlik pen vedomstvo basshylary oqıǵa ornyna jetti», dedi mınıstr.
Jergilikti bılik turǵyndardy qulaǵan ǵımarat mańyna barmaýǵa shaqyryp, qutqarýshylardyń jumysyna kedergi keltirmeýdi ótindi.