Oqý-aǵartý mınıstrligi «О́rleý» biliktilikti arttyrý ulttyq ortalyǵy «Keleshek mektepteri» ulttyq jobasy aıasynda salynǵan mektepterdiń pedagogteriniń kásibı quzyrettiligin damytýdy jalǵastyryp jatyr, dep jazady Egemen.kz.
Bıyl jańa formattaǵy 140-qa jýyq mekteptiń 7 myńnan astam pedagogi biliktilikti arttyrý kýrsynan ótti. Qazirgi tańda oqytý nátıjelerin baǵalaý maqsatynda qorytyndy testileý júrgizilip jatyr.
Testileý qorytyndysy boıynsha qatysýshylarǵa kásibı damýyn odan ári jalǵastyrýǵa arnalǵan jeke usynymdar beriledi. Aldaǵy ýaqytta vebınarlar, semınarlar, sheberlik sabaqtar jáne basqa da bilim berý is-sharalaryn ótkizý josparlanǵan.
Oqý-aǵartý mınıstrliginiń málimetinshe, «Keleshek mektepteriniń» pedagogteri LMS platformasy arqyly onlaın oqýdan ótti. Kýrstar bazalyq deńgeıdegi 11 pándi: bastaýysh synyp, qazaq, orys jáne aǵylshyn tilderi, matematıka, ınformatıka, fızıka, hımııa, bıologııa, geografııa jáne tarıh qamtyǵan. О́tken jyly dál osyndaı biliktilikti arttyrý kýrstarynan 35 mektepten 2 myńnan astam pedagog ótken.