О́skemen qalasyndaǵy Ulttyq ulannyń №5518 áskerı bóliminde qyzmet atqaryp júrgen jetisýlyq jýrnalıst, merzimdi áskerı qyzmetshi Ádil Quttybaev – jaýyngerlik boryshyn óteı júrip, shyǵarmashylyqtan qol úzbegen talantty jas. Ol áskerı ómir men jýrnalıstıkany sheber úılestirip keledi, dep jazady Egemen.kz.
Qyzmetke shaqyrylmas buryn Ádil týǵan óńirindegi «Jetisý» telearnasynda jýrnalıst bolyp eńbek etip, birneshe telebaǵdarlamany júrgizgen. Qazirgi tańda jaýynger «Shyǵys» óńirlik qolbasshylyǵyna qarasty áskerı bólimde Otan aldyndaǵy boryshyn óteı júrip, О́skemendegi «ALTAI» telearnasynyń «Altaı tańy» atty tańǵy baǵdarlamasynda júrgizýshi retinde kórermenmen qaıta qaýyshqan.
– Ulttyq ulan sapynda júrgen ýaqyt meni rýhanı da, fızıkalyq turǵydan da shyńdady. Áskerı bólim sarbazdary kún saıyn qala tynyshtyǵyn kúzetip, qoǵamdyq tártipti saqtaý isinde erlik pen jaýapkershiliktiń úlgisin kórsetip júr. Sol eńbektiń ishinde meniń de úlesimniń bar ekenin seziný – zor maqtanysh, – deıdi qatardaǵy jaýynger Ádil Quttybaev.
Bos ýaqytynda Ádil mamandyǵynan ajyramaı, telearna ujymymen birge tikeleı efırde baǵdarlamalar júrgizip júr.
– «Altaı tańy» baǵdarlamasynyń toǵyz shyǵarylymynda júrgizýshi boldym. Tikeleı efır barysynda óskemendik áriptesterimmen jaqsy til tabysyp, tájirıbe almasýǵa múmkindik aldym. Bul – men úshin áskerde júrip te shyǵarmashylyqty jalǵastyrýdyń úlken qýanyshy. Osyndaı jaǵdaı jasap, qoldaý bildirgen áskerı bólim basshylyǵyna alǵys aıtamyn, – deıdi ol.
Bolashaqta Ádil Quttybaev áskerı taqyryptaǵy jobalardy qolǵa alyp, merzimdi qyzmetin aıaqtaǵan soń áskerı jýrnalıstıka salasynda eńbek etýdi maqsat tutyp otyr.