Jańaarqa aýdany Muqajan Jumajanov atyndaǵy aýyldyq okrýgte «Qazaq eli» stellasy men «Balaýsa» balabaqshasynyń ashylý saltanaty ótti. Is-sharaǵa aýdan ákimi Qanat Qojyqaev qatysyp, qos jańa nysannyń tusaýyn kesti.
«Qazaq eli» stellasy eldi mekenderdi kógaldandyrý, abattandyrý jobasy aıasynda boı kóterdi. Aýdan basshysy: «Bul stella – ult rýhyn kóteretin, Táýelsizdik pen el birliginiń mańyzyn aıshyqtaıtyn erekshe eskertkish», dep atap ótti.
Memleket-jekemenshik áriptestik aıasynda ashylǵan, 50 balaǵa arnalǵan «Balaýsa» balabaqshasy zamanaýı talaptarǵa saı jabdyqtalǵan. Bólmeleri keń ári jaryq. Balalardyń oı órisin, qabiletin damytýǵa, jan-jaqty tárbıeleýge barlyq jaǵdaı jasalǵan. Mekemege toǵyz tájirıbeli pedagog pen maman jumysqa qabyldanǵan.
Saltanatty sharada aýdandyq mádenı-saýyq ortalyǵynyń ónerpazdary patrıottyq ánder shyrqap, jınalǵan jurtshylyqqa merekelik kóńil-kúı syılady.
Ulytaý oblysy