ORAL. 19 aqpan. Batys Qazaqstan oblysyndaǵy memlekettik kiris departamenti basshysynyń orynbasary Jasulan Mekebaev jalǵan kásipkerlik pen bankrottyqqa jáne salyq tóleýden jaltarýshylyqqa qatysty 52 qylmystyq is tirkelgenin habarlady. Bul týraly egemen.kz tilshisi habarlady.
Memleketke kelgen shyǵynnyń kólemi 5 mlrd. teńge qurap otyr. Osy qomaqty somadan dál qazirgi kúni bıýdjetke qaıtarylǵany 100 mln teńgeden sál ǵana asady.
Osy arada aıta keter jaıt, ekonomıkalyq tekserý qyzmeti oıyn bıznesine qatysty qylmystardy áshkerleýde. Buǵan elimizde Býrabaıdan basqa jerde tıisti zańdylyqtar boıynsha tyıym salynǵan. Soǵan qaramastan ózge óńirlerde jasyryn oıyn núkteleri bar ekendigi talas týǵyzbaıdy. Buǵan azamattar men turǵyndardyń kóleńkeli ekonomıka jónindegi basqarmaǵa joldaǵan únqatysýlary dálel bola alady.
Atalǵan basqarmanyń basshysy Erık Aldybergenovtyń aıtýynsha, qazirgi kúni lotereıalyq termınaldar qyzmetine jan-jaqty taldaýlar men saraptamalar júrgizilýde. Mundaı termınaldar respýblıka qalalaryndaǵy kóptegen kafeler men saýda núktelerine ornatylǵan. Bulardyń oıyn termınaldaryna qatysy bolýy ábden múmkin. Buǵan kóp keshikpeı quqyqtyq baǵa berilmek. Sol kezde atalǵan qondyrǵylardyń zańdy nemese zańsyz ekendigi tolyqtaı anyqtalatyn bolady.
Temir Qusaıyn.
Derek, sýret: egemen.kz.