Jyl bastalǵaly «Qazsýshar» RMK-nyń Batys Qazaqstan fılıaly óńirdegi uzyndyǵy 100 km-den astam kanaldy tazalaǵan, jyl sońyna deıin qosymsha 6 shaqyrym kanal tazartylady. Atalǵan kásiporynnyń jumys týraly esebin sala mınıstri Nurjan Nurjigitov tyńdady.dep jazady Egemen.kz.
Salystyrý úshin aıtqanda, 2024 jyly fılıal jalpy uzyndyǵy 73,6 shaqyrym kanaldy tazartqan eken.
Sý vedomstvosy bergen jersnarıadtyń kómegimen uzyndyǵy 22 shaqyrymǵa jýyq kanal tazartylǵan.
«Qazsýshar» RMK BQO fılıaly dırektorynyń mindetin atqarýshy Raýan Hýsaınovtyń aıtýynsha ırrıgasııalyq kanaldarǵa josparlanǵan jyldyq tazartý jumystarynyń 94,3 paıyzy oryndalǵan.
«Keler jyly fılıal keminde 150 shaqyrym kanaldy mehanıkalyq ádispen tazartýdy josparlap otyr. Sonymen qatar óńirde 14 gıdrotehnıkalyq nysanda jóndeý jumystary aıaqtaldy. Bitik sý qoımasyndaǵy sý aǵyzý qurylymynyń tómengi bóligin nyǵaıtý jumystaryn qosa alǵanda, sý tasqynynyń aldyn alý is-sharalary tolyq kólemde oryndaldy», dedi R.Hýsaınov.