Memleket basshysynyń tapsyrmasy boıynsha biryńǵaı zamanaýı mektep ınfraqurylymy formatyna kóshý úshin 1300-ge jýyq mektepte renovasııa baǵdarlamasy júzege asyrylyp jatyr, dep habarlaıdy Egemen.kz.
Bıyl 245 mektepte keshendi renovasııa júrgizilip jatyr, onyń 134-inde jumystar tolyq aıaqtalǵan. Jańa oqý jyly 130 myńnan astam oqýshy jańartylǵan, jaıly jáne qaýipsiz mektepterde bilim alyp jatyr.
Oqý-aǵartý mınıstrliginiń málimetinshe renovasııa baǵdarlamasy sheńberinde mektep ǵımarattaryna kúrdeli jóndeý júrgizý, pándik kabınettermen jabdyqtaý, mektep jıhazyndaryn jańartý, talshyqty-optıkalyq baılanys jelilerine qosý, sport zaldaryn, kitaphanalar men ashanalardy jańǵyrtý, zamanaýı qaýipsizdik júıelerimen jabdyqtaý, sondaı-aq mektep aýmaqtaryn jańa standarttarǵa saı abattandyrý qarastyrylǵan.
Mektepterdi jańartý jumystary aldaǵy jyldary da jalǵasady.