Memleket basshysyna Qyzylorda oblysynyń áleýmettik-ekonomıkalyq damýy, ınvestısııalyq jobalardy júzege asyrý barysy, «Taza Qazaqstan» ekologııalyq baǵdarlamasy aıasynda atqarylǵan jumystar, sondaı-aq oblys ortalyǵy men eldi mekenderdi abattandyrý jóninde málimet berildi, dep habarlaıdy Egemen.kz Aqordanyń baspasóz qyzmetine silteme jasap.
Oblys ákimi Nurlybek Nálibaev sońǵy 4 jylda óńir ekonomıkasyna tartylǵan ınvestısııa kólemi 233 paıyzǵa artqanyn baıandady. Bıyl 720 mıllıard teńgeden astam qarjy tartý josparlanǵan. Onyń ishinde jeke ınvestısııanyń úlesi 70 paıyzdy quraıdy.
Ekonomıkany ártaraptandyrý maqsatynda aldaǵy úsh jylda aımaqta quny 2 trıllıon teńgege jýyqtaıtyn 90 ınvestısııalyq joba júzege asyrylady. Bul 11 myńnan asa jańa jumys ornyn ashýǵa múmkindik beredi. Bıyl jalpy quny 302 mıllıard 500 mıllıon teńge bolatyn 27 nysandy iske qosý josparlanǵan. Búginde onyń toǵyzy paıdalanýǵa berildi.
Memleket basshysy oblystyń qarqyndy damyp kele jatqanyn aıtyp, atqarylǵan jumystarǵa oń baǵasyn berdi.