Qatonqaraǵaı aýdanynda jergilikti turǵyndar, ormanshylar men kásipkerler sheteldik týrıstermen erkin tildesý maqsatyndaaǵylshyn tilin úırene bastady. Kýrstarǵa ulttyq park ınspektorlary, qonaqúı ıeleri men jas gıdter de qatysady, dep jazady Egemen.kz.
Joba Aýyldyq aımaqtardy turaqty damytý qory men Kazakh Tourism kompanııasynyń seriktestigi negizinde daıyndalǵan Qatonqaraǵaı aýdanyndaǵy týrızmdi turaqty damytý jónindegi Master-jospardyń bir bóligi retinde júzege asyp jatyr.
Aǵylshyn tilinen sabaqty eki sheteldik maman – fılıppındik Maıkl Sekarro Napal men ganalyq Ebenezer Ieboa Ovýsý beredi. Sabaqta týrızm salasynda qyzmet kórsetetin turǵyndarǵa bazalyq sóıleý, óńirdiń ekojúıesi men mádenı erekshelikterin aǵylshyn tilinde tanystyrý daǵdylary oqytylady.
Qatonqaraǵaı keıingi jyldary elimizdegitanymal ekotýrıstik baǵyttardyń birine aınaldy. Aýdan aýmaǵynda týrısterge arnalǵan ınfraqurylym damyp keledi, jańa áýejaı qurylysy júrip jatyr.
Qatonqaraǵaıdy turaqty damytý qorynyń mindetin atqarýshy dırektory Oljas Sháripbekovtyń aıtýynsha, aǵylshyn tilin oqytý baǵdarlamasy – óńirde turaqty týrızmdi damytý strategııasynyń bir bóligi.
Al sheteldik ustazdar Qatonqaraǵaıǵa «Aýyl balalaryna arnalǵan aǵylshyn tili» jobasy aıasynda kelgen. Joba nátıjesinde aýdan turǵyndary sheteldik qonaqtarmen erkin sóılesip, qyzmet sapasyn arttyryp, týrızm arqyly jergilikti ekonomıkany damytpaq. Sonymen qatar, bastama óńirdiń tabıǵı jáne mádenı murasyn saqtaý isine de úles qosady.