Jaqynda Qytaıda arnaıy bilimi joq blogerlerge qarjy, medısına, zań jáne bilim salalaryna qatysty kontent jasaýǵa tyıym salyndy.
Talapty oryndamaǵandar qomaqty aıyppul tólep, akkaýnttary birjola buǵattalýy múmkin. Mundaǵy maqsat – áleýmettik jelilerde jalǵan aqparattyń taraýyn toqtatyp, azamattardy zııandy keńesterden qorǵaý. Endi osy baǵyttarda jazba jarııalaý úshin blogerler tıisti dıplom nemese kásibı lısenzııa usynýy tıis. Douyin, Bilibili jáne Weibo sııaqty platformalar avtorlardyń biliktiligin tekserip, jarııalanǵan materıaldardaǵy derekkózderdiń durystyǵyn baqylamaq.