Atyraý qalasynda eki qatarlasyn urǵan tórt jasóspirim ustaldy. Olarǵa qatysty qylmystyq is tirkelip, tergeý júrip jatyr, dep habarlaıdy Egemen.kz.
Jasóspirimderdiń tóbeleskeni týraly vıdeo áleýmettik jelide tarady. Osyǵan baılanysty oblystyq polısııa departamentiniń baspasóz qyzmeti tómendegideı aqparat berdi.
«Eki jasóspirimge qasaqana dene jaraqatyn keltirgen 4 kúdikti anyqtalyp, polısııa bólimine jetkizildi. Jasóspirimderdiń kámeletke tolmaýyna baılanysty zańdy ókilderiniń qatysýymen jaýap alynatyn bolady. Qylmystyq is tirkelip, keshendi tergeý amaldary bastaldy. Qazir atalǵan oqıǵanyń barlyq mán-jaıy anyqtalyp jatyr», dep habardar etti departamenttiń baspasóz qyzmeti.
Sondaı-aq, quqyq buzýshylyq jasaǵan jasóspirimder ishki ister organdarynyń esebine alynaldy. Olarǵa qatysty is qujattary kámeletke tolmaǵandardyń isi jónindegi komıssııaǵa usynylatyn bolady.