2025 jyldyń 1 qarashasynan bastap elimizde turǵyn úı, kóshi-qon salasyna qatysty mańyzdy baǵdarlamalar bastalady, dep jazady Egemen.kz.
3 qarashadan bastap «Naýryz» jáne «Naýryz jumysker» jeńildetilgen ıpotekalyq baǵdarlamalaryna ótinim qabyldanady.
«Naýryz» baǵdarlamasymen baspanaly bolýǵa úmittiler ótinimdi 3 qarasha – 1 jeltoqsan aralyǵynda berýi tıis.
Baǵdarlamaǵa «Otbasy bankiniń» salymshylary, depozıti jáne shotynda kemi 2 mıllıon jınaǵy bar azamattar qatysa alady. Úmitkerdiń jáne otbasy músheleriniń atyna keıingi 5 jylda úı resimdelmegen bolýy shart.
Taza árlengen jańa turǵyn úı úshin bastapqy jarna – 10 paıyz, árlenbegen bastapqy nemese qaıtalama turǵyn úı úshin – 20 paıyz belgilengen.
О́ńirdegi azamattar úshin baspana baǵasynyń eń joǵarǵy somasy – 30 mıllıon bolsa, Astana men Almaty qalalarynynan baspana satyp alýshylar úshin - 36 mıllıon teńge.
О́tinimdi Baspana Market portaly arqyly berýge bolady. Nesıeni óteý merzimi – 19 jyl.
О́nerkásip jáne qurylys, energetıka, aýyl sharýashylyǵy men sý resýrstary jáne ırrıgasııa mamandary «Naýryz jumysker» baǵdarlamasyna ótinimdi 3 qarashadan bastap bere alady. Baǵdarlama aıasynda bıyl 50 mlrd. kóleminde 2000 nesıe berý josparlanǵan.
О́tinim berýshiniń keıingi 6 aıdaǵy resmı tabysy, ózi men otbasy músheleriniń (zaıyby, kámeletke tolmaǵan balalary) atynda keıingi 5 jylda baspana bar-joǵy tekseriledi. Sondaı-aq úmitkerdiń «Otbasy bankinde» shoty ashylyp, onda 2 mıllıon teńge bolýy tıis.
Nesıe sharttary men bastapqy jarna mólsheri men nesıe merzimi «Naýryz» baǵdarlamasymen birdeı.
Mıgranttardy tirkeý tártibi jeńildetiledi
2025 jyldyń 1 qarashasyna deıin kóshi – qon prosesterin esepke alýdyń biryńǵaı sıfrlyq platformasy iske qosylady. Ol qarashadan bastap barlyq rásimdi bir servıste biriktirip, memlekettik organdar men kelýshiler arasyndaǵy ózara is-qımyldy jeńildetedi.
Jasandy ıntellekt jáne sıfrlyq damý mınıstri Jaslan Mádıevtiń aıtýynsha, jańa model mıgrant saparynyń maqsatyn aldyn ala bilýge, tekserýlerdi avtomattandyrýǵa jáne kóshi – qon aǵyndaryn boljaýǵa múmkindik beredi.
Sýbsıdııalanatyn jumys oryndaryna ótinimderdi qabyldaý bastalady
Osy jyldyń 1 – qarashasynan 31 – jeltoqsanyna deıin jumys berýshiler 2026 jylǵa sýbsıdııalanatyn jumys oryndaryn uıymdastyrýǵa ótinim bere alady. О́tinimder Enbek.kz arqyly elektrondyq formatta qabyldanady.
Magıstratýra men doktorantýraǵa túsýge yntaly bilim alýshylar úshin 28 – qazan bastalǵan qujat qabyldaý rásimi qarasha aıynda da jalǵasady.
Magıstratýra úshin –14 qarasha;Doktorantýra úshin – 27 qarasha.Testileý quny:
Magıstratýra –14 693 teńge;Doktorantýra – 21 072 teńge.
Al ótinish Ǵylym jáne joǵary bilim mınıstrligine qarasty Ulttyq testileý ortalyǵynyń app.testcenter.kz saıtynda toltyrylady.