«Qazaqstan jastary» analıtıkalyq baıandamasyna súıensek, eldegi jastardyń 32,4%-y kitap oqymaıtyn bolyp shyqty. Onyń ishinde bóriktilerdiń qarasy qalyń. Jalpy esepte kitapqa zaýqy soqpaıtyn jandardyń ishinde erler 36,8% bolsa, áıelder 27,7%-dy quraǵan. Qalǵan jandar kúnde bolmasa da, aragidik kitap paraqtaǵandy teris kórmeıdi, dep jazady Egemen.kz.
Kitap oqıtyn jastardyń ishinde 20,3%-y klassıkalyq romandardy, 19,1%-y zamanaýı romandardy, 16,3%-y detektıvterdi, 14,8%-y fantastıka men fentezıdi, 14,7%-y tarıhı romandardy, 8%-y poezııany, 8%-y otandyq ádebıetti, 6,8%-y ǵylymı eńbekterdi, 5,8%-y trıllerlerdi, 3,9%-y non-fıkshn janryn, 0,4%-y oqý baǵdarlamasyna kiretin kitaptardy, 0,3%-y dinı ádebıetti, 0,1%-y maqalalar men áńgimelerdi tańdaǵan.
Jynystyq aıyrmashylyq turǵysynan qaraǵanda:
klassıkalyq romandardy – 14,6% erler, 26,3% áıelder;
zamanaýı romandardy – 12,8% erler, 25,8% áıelder;
detektıvterdi – 15,8% erler, 16,7% áıelder;
fantastıka men fentezıdi – 13,5% erler, 16,1% áıelder;
tarıhı romandardy – 15,1% erler, 14,2% áıelder;
trıllerlerdi – 5,3% erler, 6,3% áıelder;
non-fıkshndi – 4,6% erler, 3,2% áıelder;
poezııany – 6% erler, 10% áıelder;
otandyq ádebıetti – 8,6% erler, 7,4% áıelder;
ǵylymı ádebıetti – 6,8% erler, 6,7% áıelder;
dinı kitaptardy – 0,4% erler, 0,2% áıelder;
maqalalardy – 0,1% erler men áıelder;
oqý baǵdarlamasyndaǵy ádebıetterdi – 0,5% erler, 0,3% áıelder oqıtynyn kórsetken.