Atyraý oblysynyń mamandandyrylǵan aýdanaralyq ákimshilik soty memlekettik sot oryndaýshysynyń áreketin zańsyz dep tanydy. Osylaısha, «T» jáne «A» JShS-niń múddesi qorǵaldy, dep habarlaıdy Egemen.kz.
Atalǵan sottyń málimetine súıensek, shaǵym túsirýge memlekettik sot oryndaýshysynyń buryn sot úkimimen sottalǵan N.-ǵa (boryshker) qatysty is aıasynda eki seriktestikten kiris óndirip alýǵa árekettengen qaýlylar sebep bolǵan.
«Is boıynsha sot oryndaýshysy seriktestikterdiń ózderi atqarýshylyq is júrgizýdiń taraptary bolyp tabylmasa jáne olardyń qatysýshylaryna dıvıdendter tólemegenimen, boryshker N.-nyń jaýapkershiligi shekteýli seriktestiktegi úlesine proporsıonaldy túrde «tabystyń» 50 paıyzyn óndirý týraly qaýlylar qabyldaǵan. Sot mundaı áreketter kompanııalardyń quqyqtaryn buzyp, sot oryndaýshysynyń ókilettigi sheginen shyqqanyn anyqtady. Zańǵa sáıkes, JShS-nyń paıdasyn bólý tek aksıonerlerdiń jalpy jınalysynda jáne naqty kiristi alǵan kezde sheshiledi. Sondyqtan, sot eki qaýlyny negizsiz shyǵarylǵan dep taýyp, kúshin joıdy. Memlekettik sot oryndaýshysyna zań buzýshylyqtardy túzetýge bir aı ýaqyt berildi», dep habarlady atalǵan sottan.
Apellıasııalyq sot alqasynyń uıǵarymymen sot sheshimi zańdy kúshine endi. Sheshim oryndaldy.