Qazir ónimniń sapasy ǵana emes, ony qalaı usynatynyń da úlken mańyzǵa ıe. Tutynýshynyń qandaı taýardy, qalaı jáne qansha mólsherde qoldanatyny kóbine jarnama arqyly qalyptasady.
Teledıdardan, áleýmettik jeliden nemese kóshedegi bannerlerden kórgen kórinis sanamyzda saqtalyp, bizdiń kúndelikti áreketimizge áser etedi. Ony ózimiz de baıqamaýymyz múmkin. Osyndaı erekshe marketıngtik aılany sátti paıdalanǵan kompanııalardyń biri – «Alka-Seltzer». Bul – bas aýrýy men asqazan jaısyzdyǵyna qarsy qoldanylatyn tanymal dári. 1960 jyldan bastap akterler jarnamada bir emes, eki tabletkany staqanǵa qatar tastaıtyn boldy. Dál osy tásildiń arqasynda dáriniń satylymy kúrt artqan eken.