Qazaqstan ÝEFA klýbtyq týrnırleriniń 2028 jáne 2029 jyldardaǵy fınaldaryn qabyldaýǵa daıyn ekenin rastady, dep habarlaıdy Egemen.kz.
Uıym málimetinshe, barlyǵy on bes ulttyq qaýymdastyq 2028 jáne 2029 jyldary ótetin ÝEFA chempıondar lıgasy, Eýropa lıgasy, Konferensııalar lıgasy jáne áıelder chempıondar lıgasynyń fınaldaryn ótkizýge nıet bildirgen.
Qazaqstan ÝEFA Konferensııalar lıgasynyń fınalyn 2028 jáne 2029 jyldary ótkizýge qyzyǵýshylyq tanytty. Usynylǵan nusqalar qatarynda Astanadaǵy «Astana Arena» men Almatydaǵy «Almaty Arena» stadıondary bar. Qaı qala men nysan tańdalatyny ótinim tapsyrylǵan kezde naqty sheshiledi.
«ÝEFA 2028 jáne 2029 jyldary ótetin klýbtyq týrnırlerdiń fınaldaryn ótkizýge qyzyǵýshylyq bildirgen 15 ulttyq qaýymdastyqtan ótinishter alǵanyn rastaıdy. Bul ótinishter mindetti sıpatqa ıe emes, al naqty usynystar 2026 jylǵy 10 maýsymǵa deıin qujattarmen birge usynylýy tıis», – delingen uıym habarlamasynda.
Fınal ótkizýdi josparlap otyrǵan elder men qalalar:
2028 jylǵy ÝEFA chempıondar lıgasy fınaly: Germanııa – Mıýnhen («Arena Mıýnhen»).
2029 jylǵy fınal: Anglııa – London («Ýemblı»), Ispanııa – Barselona («Kamp Noý»).
2028 jylǵy ÝEFA Eýropa lıgasy fınaly: Fransııa – Lıon-Desen («Park Olımpık Lıon») nemese Parıj («Park-de-Prens»); Italııa – Týrın («Iýventýs Stedıým»); Rýmynııa – Býharest («Arena Nasıonale»); Serbııa – Belgrad («Nasıonalnyı»).
2029 jylǵy fınal: Fransııa – Lıon-Desen nemese Parıj; Italııa – Týrın; Rýmynııa – Býharest; Serbııa – Belgrad; Túrkııa – Ankara («Ankara Ondokýz Maıys»).
2028 jylǵy ÝEFA Konferensııalar lıgasy fınaly: Fransııa – Lıll («Per Morýa»); Vengrııa – Býdapesht («Pýshkash Arena»); Italııa – Týrın («Iýventýs Stedıým»); Qazaqstan – Astana («Astana Arena») nemese Almaty («Almaty Arena»); Polsha – Gdansk («Arena Gdansk»).
2029 jylǵy fınal: Fınlıandııa – Helsınkı («Olımpııastadıon»); Fransııa – Lıll; Vengrııa – Býdapesht; Italııa – Týrın; Qazaqstan – Astana nemese Almaty; Polsha – Gdansk.
2028 jylǵy áıelder arasyndaǵy ÝEFA chempıondar lıgasy fınaly: Fransııa – Lıon-Desen («Park Olımpık Lıon»); Ispanııa – Bılbao («San-Mames»); Shveısarııa – Bazel («Sankt-Iаkob Park»); Túrkııa – Ystanbul («Alı Samı Ien»).
2029 jylǵy fınal: Fransııa – Lıon-Desen; Irlandııa – Dýblın («Dýblın Arena»); Shveısarııa – Bazel; Ýels – Kardıff («Nasıonalnyı stadıon Ýelsa»).
ÝEFA klýbtyq týrnırleriniń segiz fınalynyń ıeleri 2026 jyldyń qyrkúıeginde anyqtalady.