AQSh prezıdenti Donald Tramp CBS telearnasyna bergen suhbatynda Vashıngtonnyń ıadrolyq qarýdy synaqtan ótkizý nıetin resmı túrde rastady. Alaıda ol naqty qandaı synaqtar týraly sóz bolyp otyrǵanyn ashyp aıtpady, dep habarlaıdy Egemen.kz.
«Bizde álemdegi eń kóp ıadrolyq qarý bar. Reseı – ekinshi orynda, al Qytaı úshinshi, biraq olar bes jyldan keıin bizge jetýi múmkin. Olar óte jyldam damyp keledi. Sondyqtan denýklearızasııa máselesinde naqty sharalar qajet. Bizde bul qarý álemdi 150 ret jarýǵa jetedi», dedi Tramp.
Prezıdenttiń aıtýynsha, ıadrolyq synaqtar «olardyń qalaı jumys isteıtinin kórý úshin» qajet. Tramp sondaı-aq Reseı men Qytaıdyń da mundaı synaqtardy jasyryn túrde júrgizip otyrǵanyna senimdi ekenin aıtty.
«Reseı men Qytaı da synaqtar ótkizedi, biraq olar bul týraly ashyq aıtpaıdy. Biz – ashyq qoǵambyz, muny jasyrmaımyz. Eger olar synaqtar ótkizse, biz de ótkizemiz. О́ıtkeni bári de sony jasap otyr», dedi AQSh basshysy.