Júrgizýshi inDrive qyzmeti arqyly Astanadan Qostanaıǵa shyqqan. Alaıda jolda polıseıler kúdik ańǵaryp, kólikti toqtatqan. Teksere kele júrgizýshiniń kúmándi kúsheıtkishter áserinde bolǵany anyqtaldy, dep jazady Egemen.kz.
Oqıǵa «Ekaterınbýrg – Almaty» tas jolynyń 1006-shaqyrymynda, Aqmola oblysy aýmaǵynda bolǵan. Kólik Toyota Alphard markaly.
2002 jyly týǵan júrgizýshi jeke taksı qyzmetin zańsyz atqaryp kelgen. Ol jolaqy retinde 15 myń teńge alǵan. Kólikte úsh jolaýshy otyrǵan. Olardyń ekeýi – júrgizýshiniń týystary.
Patrýl qyzmetkerleri júrgizýshiniń minez-qulqynan nashaqorlyq belgilerin baıqap, medısınalyq saraptamaǵa jibergen. Saraptama qorytyndysy onyń esirtki qoldanǵan kúıde kólik júrgizgenin rastady.
Qazir bul derek boıynsha ákimshilik hattama toltyrylyp, júrgizýshige qatysty tergeý amaldary júrgizilip jatyr.