Tótenshe jaǵdaılar mınıstrligine qarasty «NNSSNI» seısmıkalyq stansııalar jelisiniń derekterine sáıkes, 3 qarashada túngi saǵat 01:29-da jer silkinisi tirkeldi. Epısentr Almaty qalasynan ońtústik-batysqa qaraı shamamen 1079 shaqyrym qashyqtyqta, Aýǵanstan aýmaǵynda ornalasqan, dep jazady Egemen.kz.
Seısmıkalyq dúmpýdiń koordınattary – 36.843º soltústik endik pen 67.364º shyǵys boılyq. Tereńdigi 120 shaqyrymdy quraǵan jer silkinisiniń magnıtýdasy MPV 6.2, energetıkalyq klasy 14.2 bolǵan.
Eseptik derekterge súıensek, jer silkinisiniń kúshi elimizdiń birqatar ońtústik aımaqtarynda 2 ball shamasynda sezilgen. Atap aıtqanda, Shymkent qalasynda, Túrkistan oblysynyń Maqtaaral aýdanyndaǵy Myrzakent eldi mekeninde, Jetisaı jáne Shardara qalalarynda jeńil dúmpýler baıqalǵan.
Qazirgi ýaqytta zardap shekkender men qıraýlar týraly aqparat túsken joq. Mamandar jaǵdaıdy baqylaýda ustap otyr.